ಟೀವಿಯನ್ನು ಸ್ಮಾರ್ಟ್ ಮಾಡೋಣ ಬನ್ನಿ!

-

ಒಂದು ಕಾಲವಿತ್ತು, ಬೀದಿಗೊಂದು ಟೀವಿ ಇದ್ದರೆ ಆಗ ಅದೇ ಹೆಚ್ಚು. ಶುಕ್ರವಾರದ ಚಿತ್ರಮಂಜರಿ - ಭಾನುವಾರದ ಚಲನಚಿತ್ರಗಳನ್ನೆಲ್ಲ ನೋಡಲು ಬರುವವರನ್ನು ಸಂಭಾಳಿಸುವ ಹೆಚ್ಚುವರಿ ಜವಾಬ್ದಾರಿ ಆಗಿನ ಟೀವಿ ಮಾಲೀಕರಿಗೆ ಉಚಿತವಾಗಿ ದೊರಕುತ್ತಿತ್ತು. ಟೀವಿ ನೋಡಲು ನೆರೆಮನೆಗೆ ಹೋಗುವ ವ್ಯವಸ್ಥೆ ಅಂದಿನ ಕಾಲದ ಸೋಶಿಯಲ್ ನೆಟ್‌ವರ್ಕ್ ಆಗಿತ್ತು ಎಂದರೂ ಸರಿಯೇ!

ಮುಂದೆ ಟೀವಿಯ ಜನಪ್ರಿಯತೆ ಹಾಗೂ ಅದನ್ನು ಕೊಳ್ಳುವ ಶಕ್ತಿಗಳೆರಡೂ ಹೆಚ್ಚಿದಂತೆ ಎಲ್ಲ ಮನೆಗಳಿಗೂ ಟೀವಿಯ ಆಗಮನವಾಯಿತು. ಕಪ್ಪು ಬಿಳುಪು ಹೋಗಿ ಬಣ್ಣದ ಟೀವಿ ಬಂತು, ಫ್ಲ್ಯಾಟ್ ಸ್ಕ್ರೀನ್ - ಎಲ್‌ಸಿಡಿ - ಎಲ್‌ಇಡಿ ಟೀವಿಗಳ ಪರಿಚಯವಾಯಿತು, ನೈಜ ದೃಶ್ಯದಷ್ಟೇ ಸುಸ್ಪಷ್ಟವಾಗಿ ಚಿತ್ರಗಳನ್ನು ಪ್ರದರ್ಶಿಸುವ ಹೈ ಡೆಫನಿಶನ್ (ಎಚ್‌ಡಿ) ಟೀವಿಗಳೂ ಬಂದವು.


ಎಚ್‌ಡಿ ಟೀವಿಗಳ ಜನಪ್ರಿಯತೆಯ ಬಗ್ಗೆ ಮಾತನಾಡುವಂತೆಯೇ ಇಲ್ಲ. ಈಗಿನ ಬಹುತೇಕ ಮನೆಗಳಲ್ಲಿ ಅವು ಆಗಲೇ ಹಳೆಯದಾಗಿಬಿಟ್ಟಿವೆ. ಎಚ್‌ಡಿ ಟೀವಿ ಇದ್ದಮೇಲೆ ಎಚ್‌ಡಿ ಚಿತ್ರಗಳನ್ನು ನೋಡದಿದ್ದರೆ ಹೇಗೆ? ಟೀವಿ ಚಾನಲ್ಲುಗಳೂ ಎಚ್‌ಡಿ ಪ್ರಸಾರ ಪ್ರಾರಂಭಿಸಿವೆ; ಕೇಬಲ್ ಮೂಲಕವೋ ಡಿಟಿಎಚ್ ಮೂಲಕವೋ ನಮ್ಮನ್ನು ತಲುಪುತ್ತಲೂ ಇವೆ. ಎಚ್‌ಡಿ ಗುಣಮಟ್ಟದಲ್ಲಿ ಚಿತ್ರಗಳನ್ನು ಸೆರೆಹಿಡಿಯುವ ಸಾಮರ್ಥ್ಯ ಕ್ಯಾಮೆರಾಗಳಿಗೆ - ಮೊಬೈಲುಗಳಿಗೂ ಬಂದುಬಿಟ್ಟಿದೆ.

ಎಚ್‌ಡಿ ಟೀವಿ ಇದೆ, ಎಚ್‌ಡಿ ಚಾನಲ್ಲುಗಳೂ ಇವೆ. ಇನ್ನೇನು ಮತ್ತೆ, ನಾವು ತಂತ್ರಜ್ಞಾನದ ಉತ್ತುಂಗದಲ್ಲಿದ್ದಂತೆಯೇ ತಾನೆ?

ಕೊಂಚ ತಾಳಿ, ನಮ್ಮಲ್ಲಿ ಬಹುತೇಕ ಮನೆಗಳಲ್ಲಿರುವ ಟೀವಿಗಳು - ವಿಶೇಷವಾಗಿ ಒಂದೆರಡು ವರ್ಷಗಳ ಹಿಂದೆ ಕೊಂಡವು - ಇನ್ನೂ ಸ್ಮಾರ್ಟ್ ಆಗಿಲ್ಲ!

ಅರೆ, ಟೀವಿ 'ಸ್ಮಾರ್ಟ್' ಆಗುವುದು ಎಂದರೇನು?

ಇಜ್ಞಾನ ಡಾಟ್ ಕಾಮ್‌ನಲ್ಲೊಂದು ವಿಶೇಷ ಲೇಖನ, 'ಟೀವಿಯನ್ನು ಸ್ಮಾರ್ಟ್ ಮಾಡೋಣ ಬನ್ನಿ!'

>>>> ಲೇಖನ ಓದಲು ಇಲ್ಲಿ ಕ್ಲಿಕ್ ಮಾಡಿ

Comments

  1. Anant VaidyaOctober 2, 2015 at 11:01 PM

    ತುಂಬಾ ಸುಂದರವಾದ ಮಾರ್ಮಿಕ ಲೇಖನ.

    ReplyDelete
  2. Anant VaidyaOctober 2, 2015 at 11:02 PM

    ಸುಂದರವಾದ ಮಾರ್ಮಿಕ ಲೇಖನ

    ReplyDelete

Post a Comment

Popular posts from this blog

ಇ ಆರ್ ಪಿ ಲೋಕ

-
Image
ಕರ್ನಾಟಕ ವಿಜ್ಞಾನ ಮತ್ತು ತಂತ್ರಜ್ಞಾನ ಅಕಾಡೆಮಿಯ ' ವಿಜ್ಞಾನ ಲೋಕ ' ಪತ್ರಿಕೆ ಮೇ ೨೦೦೯ರ ಸಂಚಿಕೆಯಲ್ಲಿ ಪ್ರಕಟವಾಗಿರುವ ಲೇಖನ
Read more

ಬಿಟ್‌ನಿಂದ ಎಕ್ಸಾಬೈಟ್‌ವರೆಗೆ

-
ಟಿ ಜಿ ಶ್ರೀನಿಧಿ ೧೮-೧೯ನೇ ಶತಮಾನದ ಕೈಗಾರಿಕಾ ಕ್ರಾಂತಿಯ ನಂತರ ಮನುಕುಲದ ಮೇಲೆ ಅಷ್ಟೇ ದೊಡ್ಡ ಪ್ರಭಾವ ಬೀರಿರುವುದು ಮಾಹಿತಿ ಕ್ರಾಂತಿ. ಆಧುನಿಕ ಗಣಕಗಳ ಬೆಳೆವಣಿಗೆಯೊಡನೆ ಪ್ರಾರಂಭವಾದದ್ದು ಈ ಕ್ರಾಂತಿ. ಅಂತರಜಾಲದ ವಿಕಾಸ, ವಿಶ್ವವ್ಯಾಪಿ ಜಾಲದ ಹುಟ್ಟು, ಅತ್ಯಾಧುನಿಕ ಸಂವಹನ ಮಾಧ್ಯಮಗಳ ಉಗಮ ಮುಂತಾದ ಎಲ್ಲ ಹೆಜ್ಜೆಗಳೂ ನಮ್ಮ ಬದುಕನ್ನು ಅಪಾರವಾಗಿ ಬದಲಿಸಿವೆ. ವಿಶ್ವವ್ಯಾಪಿ ಜಾಲದಲ್ಲಿ, ಮೊಬೈಲ್ ಮೂಲಕ, ದೂರದರ್ಶನ-ಆಕಾಶವಾಣಿಗಳಲ್ಲಿ, ಪತ್ರಿಕೆಗಳಲ್ಲಿ - ಹೀಗೆ ಎಲ್ಲೆಲ್ಲಿ ನೋಡಿದರೂ ಮಾಹಿತಿಯ ಮಹಾಪೂರವೇ ನಮ್ಮನ್ನು ಆವರಿಸಿಕೊಂಡಿದೆ. ಮಾಹಿತಿ ಎಂದರೇನು? ವಿಶಾಲ ಅರ್ಥದಲ್ಲಿ ನೋಡಿದಾಗ ಈ ಪ್ರಪಂಚದಲ್ಲಿರುವ ಯಾವುದೇ ವಸ್ತುವಿಶೇಷದ ಬಗೆಗಿನ ವಿವರಗಳನ್ನು ಮಾಹಿತಿ ಎಂದು ಕರೆಯಬಹುದು. ಆದರೆ ಗಣಕವಿಜ್ಞಾನದ ಪ್ರಕಾರ ಯಾವುದೇ ವಸ್ತು ಅಥವಾ ವಿಷಯದ ಬಗೆಗಿನ ದತ್ತಾಂಶ(ಡೇಟಾ)ವನ್ನು ಗಣಕೀಕರಣಗೊಳಿಸಿ ಅಗತ್ಯಕ್ಕೆ ತಕ್ಕಂತೆ ಸಂಸ್ಕರಿಸಿದಾಗ ಅದು ಮಾಹಿತಿ ಎಂದು ಕರೆಸಿಕೊಳ್ಳುತ್ತದೆ. ಗಣಕದಲ್ಲಿ ರೂಪಿಸಲಾದ ಯಾವುದೇ ಕಡತ, ಇಮೇಲ್ ಸಂದೇಶ, ಅಂತರಜಾಲದ ಮೂಲಕ ಲಭ್ಯವಿರುವ ಚಿತ್ರಗಳು, ಪಠ್ಯ, ಹಾಡು - ಇವೆಲ್ಲವೂ ಮಾಹಿತಿಗೆ ಉದಾಹರಣೆಗಳು. ಎಟಿಎಂ ಕಾರ್ಡುಗಳಲ್ಲಿ, ಮೊಬೈಲಿನ ಸಿಮ್‌ನಲ್ಲಿ, ಗೃಹೋಪಯೋಗಿ ಉಪಕರಣಗಳಲ್ಲಿ - ಎಲ್ಲಕಡೆಯೂ ಮಾಹಿತಿ ಸಂಗ್ರಹವಾಗಿರುತ್ತದೆ. ಇವಿಷ್ಟೇ ಅಲ್ಲದೆ ಪುಸ್ತಕಗಳು, ಪತ್ರಿಕೆಗಳು, ಟೀವಿ ಕಾರ್ಯಕ್ರಮಗಳು, ಜಾಹಿರಾತುಗಳು, ದೂರವಾಣಿ ...
Read more

E, H, H+ ಇದೆಲ್ಲ ಏನು?

-
Image
ಟಿ. ಜಿ. ಶ್ರೀನಿಧಿ ಮೊಬೈಲ್ ಫೋನ್ ಪರದೆಯ ಮೇಲ್ತುದಿಯಲ್ಲಿ ಹಲವು ಸಂಕೇತಗಳು ಕಾಣಸಿಗುವುದು ನಮಗೆಲ್ಲ ಗೊತ್ತು. ಈಗ ಸಮಯ ಎಷ್ಟು, ಬ್ಯಾಟರಿಯಲ್ಲಿ ಎಷ್ಟು ಶಕ್ತಿಯಿದೆ, ಮೊಬೈಲ್ ಸಿಗ್ನಲ್ ಹೇಗಿದೆ, ಬ್ಲೂಟೂತ್ ಚಾಲೂ ಆಗಿದೆಯೇ ಎನ್ನುವುದನ್ನೆಲ್ಲ ಈ ಸಂಕೇತಗಳು ನಮಗೆ ತಿಳಿಸುತ್ತವೆ. ಈ ಪೈಕಿ ಇಂಟರ್‌ನೆಟ್ ಸಂಪರ್ಕವನ್ನು ಸೂಚಿಸುವ ಇನ್ನೊಂದು ಸಂಕೇತವೂ ಇರುತ್ತದೆ. ವೈ-ಫೈ ಸಂಪರ್ಕ ಬಳಸುವಾಗ ಇಲ್ಲಿ ಒಂದೇ ರೀತಿಯ ಚಿಹ್ನೆ ಇದ್ದರೆ ಮೊಬೈಲ್ ಇಂಟರ್‌ನೆಟ್ ಬಳಸುವಾಗ ಮಾತ್ರ E, H, H+ ಮುಂತಾದ ಬೇರೆಬೇರೆ ಚಿಹ್ನೆಗಳು ಕಾಣಿಸಿಕೊಳ್ಳುತ್ತವೆ. ವಾಸ್ತವವಾಗಿ ಈ ಚಿಹ್ನೆಗಳು ನಾವು ಬಳಸುತ್ತಿರುವ ಅಂತರಜಾಲ ಸಂಪರ್ಕಕ್ಕೆ ಅನುಗುಣವಾಗಿ ಬದಲಾಗುತ್ತವೆ. ೩ಜಿ ಸಂಪರ್ಕವಿಲ್ಲದ ಕಡೆಗಳಲ್ಲಿ 'E' ಎಂಬ ಚಿಹ್ನೆ ಮೂಡುತ್ತದಲ್ಲ, ಅದು EDGE (Enhanced Data Rates for GSM Evolution) ಸಂಪರ್ಕವನ್ನು ಸೂಚಿಸುತ್ತದೆ. ಇದು ಈ ಹಿಂದೆ ಬಳಸಲಾಗುತ್ತಿದ್ದ ಜಿಪಿಆರ್‌ಎಸ್ (ಜನರಲ್ ಪ್ಯಾಕೆಟ್ ರೇಡಿಯೋ ಸರ್ವಿಸ್) ತಂತ್ರಜ್ಞಾನದ ಸುಧಾರಿತ ರೂಪ. ಮೂಲತಃ ೨ಜಿ ಮೊಬೈಲ್ ಜಾಲಗಳಲ್ಲಿ ದೊರಕುತ್ತಿದ್ದ ಈ ಬಗೆಯ ಸಂಪರ್ಕವನ್ನು 'G' ಚಿಹ್ನೆ ಸೂಚಿಸುತ್ತಿತ್ತು (ಎಜ್ ತಂತ್ರಜ್ಞಾನ ಬಳಸುವ ಜಾಲಗಳನ್ನು ೨.೫ಜಿ ಜಾಲಗಳೆಂದೂ ಗುರುತಿಸಲಾಗುತ್ತದೆ). ಇನ್ನು H, H+ ಮತ್ತು 3G ಎನ್ನುವ ಚಿಹ್ನೆಗಳು ೩ಜಿ ಸಂಪರ್ಕವನ್ನು ಸೂಚಿಸುತ್ತವೆ. HSPA (High Speed Packet Acces...
Read more